අපේ සෙට් එක: ගමට ඇති දුර (චැප්ටර් 2)

1:06 PM | ලිව්වේ සෙට් එක | | Edit Post

කට්ටියට මතක ඇතිනේ ඊයේ දාපු ගමට ඇති දුර (චැප්ටර් 1) පෝස්ට් එක අනේ ඉතිං ඒකෙ බබියව විතරනේ බයිට් උනේ.කවුරු උනත් කොල්ලෙක්නේ ඌව විතරක් බයිට් කරන එක හරි නෑනේ කියලා ඔන්න ඒකෙම චැප්ටර් 2ත් දානවා

හරි ඔන්න දෙවනියට එහෙනම් බයිසලගෙ ගෙදර ගිය ගමන පටන් ගමු.ඔන්න එක දවසක් මම ගෙදර ඉද්දි මට බබුනගෙන් කෝල් එකක් එනවා.

බබුන් : අඩේ කනියෝ බයිසගෙ කිරිඅම්මා නැති වෙලාලු

මම : මොකක් කව්ද උබට කීවේ??

බබුන් : ඔව් යකෝ මට බයිසා කෝල් එකක් දුන්නා මේ හෙට යමුද?

මම : හරි යමං ආය කවුද යන්නේ?

බබුන් : මායි උබයි ගලෙයයි දුමයි විලයි මෙහෙන් යනවා, ටිනයි ලකියි එහෙන් සෙට්

වෙනවා කිවා.

මම : එල

ඔන්න ඉතින් පහුවෙනිදා මාත් මගුලටයි මරෙනෙටයි අදින එකම ඩෙනිමයි ටී ෂර්ට් එකයි ඇදගන වරකාපොලට ගියා (බයිසා අපට සෙට් වෙන්න කියලා තිබ්බේ වරකාපොලට) . ඔන්න ඉතින් අපේ සෙට් එක වරකාපොල ඉද්දි එකෙක් එනවා රෝද දෙකේ හුටාර් එකක, බෘම් බෘම් ගාගන, බලද්දි බයිසා.

බයිසා : ආහ් උඹලා ආව එහෙනම් ඈ??

ගලේ : ආයෙත් අහලා අපි නෑවිදින් ඉන්නවද??

බබුන් : උඹ නිට්ටඹුවෙනේ ඉන්නවා කිවේ ඇයි බං වරකපොලට එන්න කිවේ?

බයිසා : නෑ බං මෙහෙන් ගන්න ඕන අඩුම කුඩුම ටික ගන්න පුලුවන්නේ උඹලට ඒකයි.

ගලේ : අහ් එහෙනම් සල්ලි එකතු කරපල්ලකෝ. (ගලේ සල්ලි එකතු කරන්න කියද්දි තවත් කතාවක් මතක් උනා එක පස්සෙ දාන්නම්කෝ)

අපි ඉතින් අඩුම කුඩුම ටිකත් අරගෙන නැංගා බස් එකක දෙයියනේ කියලා විනාඩි 45ක විතර ගමනක්නෙ ඉතිං,බස් එකට නගිද්දී බයිසා කිව්වා ඌ හුටාර් එකේ එන්නම් බහින තැනින් කෝල් එකක් දෙන්නම් කියලා.අපිත් හා කියලා පිටිම පස්සෙ සීට් එකේ ඉදගත්තා.කොහොම හරි බස් එකේ විනාඩි 15ක් ගියේ නෑ බයිස කෝල් කරපි ඉස්සරහ හෝල්ට් එකෙන් බැහපල්ලා කියලා.අපටත් ෆුල් හොල්මං ඇයි යකෝ නිට්ටබුවට තියා වේවැල්දෙනියටවත් ආවේ නෑනේ. ඕන මගුලක් කියලා බැස්සා.

මම : මොකද බං තාම නිට්ටබුවට නෑනේ?

බයිසා : එච්චර යන්නේ නෑ බං මෙන්න මේ පාරෙන් තමා අපේ ගෙදරට යන්නේ?

කියල මෙන්න වෙලක් මැදින් පාරක් පෙන්නපි අහෝ දුකකි ඉරකි තිතකි.අපිත් ඉතිං බැහැල පයින් ආවා.හැබයි ඉතිං අර බබියගෙ තරම් දුරක්නම් නෑ. මීටර් 400ක් විතර.කොල්ලට වරකාපොල ඉදන් කිලෝමීටර් 4යි ඒ උනාට කොල්ල ඉන්නේ නිට්ටඹුවේ, අපි නොදන්න නිට්ටඹුව.

හරි ඊලගට අපට අහුවෙනවා දුමා.ඔන්න අර වෙසක් කූඩු දවස් වල හවසක මට ගෙදර යන්න කම්මැලි හිතිලා මම අපේ එවුන්ට කියනවා

මම : අඩේ අදනම් ගෙදර යන්න පට්ට කම්මලි බං.

ගලෙයා : සිරා කතාව කව්ද අපේ කුරුණෑගල ලග ඉන්න එවුන්.

බයිසා : අනේ අම්මේ මේ මමනම් ගෙදර යනවා ඔන්න.

දුමා : යමං අපේ ගෙදර.

මම : එල බියර් එකක්වත් අරන් යමං.

කොහොමින් කොහොම හරි අපි 6.30ට විතර වෙනකම් වැඩ කරලා ඉවර වෙලා යන්න හදද්දි ගලෙයට කෝල් එකක් එනවා පොරගෙ අතිජාත සහොදරයා වන ඩොබර්මං රොකීයා ට ලෙඩ වෙලා කියලා.ඒක හින්දා ගලයගෙ නයිට් ගැහිල්ල එතනම තිත තියන්න වෙනවා. අන්තිමට දුමාගෙ ගෙදර යන්න ඉතුරු දුමයි මායි විතරයි.අපි දෙන්නත් ටව්න් එකට ගිහින් සිංහවංශයෙන් 2ක් අරන් පාරට වෙලා ඉන්නවා බස් එකක් එනකම්. ඔන්න පැය භාගෙකුත් ගියා බස් එකක් පේන තෙක් මානයේ නෑ.

මම : දුමෝ තුන්සකරියකවත් යමුද භාගේ භාගේ දාලවත්? (ඇයි ඉතිං මූ කිවේ ලගයි කියලනේ මම හිතුවෙ රුපියල් 60ට විතර ත්‍රිවිලර් එකකින් එන්න පුලුවන් කියලා)

දුමා : නෑ බං තව ටිකකින් බස් එකක් එයි ඒකෙ යමං.

කිව්වත් වගේ ඔන්න තවත් පැය කාලක් විතර යද්දි එනව බස් එකක්, අප්පේ ඒක එන වේගෙට අපට ඕනෙ නම් කඩේට ගිහින් තේ එකක් උනත් බීල එන්න වෙලා තියනව. කොහොමින් කොහොම හරි ඔන්න බස් එකට නැංගාත් කියමුකෝ.. මාත් ඉතිං පොර වගේ රුපියල් 20කුත් අතට අරං ඉදපන් දුමා උඹටත් එක්ක මම ටිකට් ගන්නම් කියල කොන්දට රු 20 දිලා “*****ට දෙකක් දෙන්න” කීවා. කොන්දා මගෙ යට ඉදං උඩට බලලා කින්ඩි හිනාවකුත් දාලා “මහත්තයට ඕනෙනම් රු 20ට ටිකට් එකක්නම් දෙන්නම් කියපි” විලි ලැජ්ජවේ සන්තෝසේ බෑ, ඊට පස්සේ මොනා කරන්න්නද ඉතිං පහු වෙනිදා ගෙදර යන්න තිබ්බ රුපියල් 50න් ටිකට් 2ත් අරන් ශෙප් එකේ දුමාගෙ කනට කරලා කීවා “අඩේ උඹ කුරුණෑගලට ලගයි කීවට ලගම නෑ නේද” කියලා. බස් එක කොට කොට මුන්ගෙ ගෙදර ලගට යද්දී 8.30ට විතර ඇති.පහුවදා ආපහු මම ගෙදර ගියේ දුමාගෙන් රු 20ක් ඉල්ලගෙන.

ප.ලි :මම දුමාට “දුමෝ තුන්සකරියකවත් යමුද?” කියල අහපු එකට බැරි වෙලාවත් මේකා හා කිවනම් අදටත් මම ඒ ණය ගෙවනවා…

12 කමෙන්ට්ස්:

Meenu said... [Reply to comment]: hikiz.... kaniyo vede nan negala yanava... niyamai...; January 3, 2012 at 1:28 PM
සෙට් එක said... [Reply to comment]: ටැංකියු මීනු ඒ උනාට මේක මම විතරක් ලියන එකක් නෙවේනේ අයියෝ :); January 3, 2012 at 4:05 PM
aki said... [Reply to comment]: elazzzz niyamai kaniyoooo. matak karala ubalage gedara apu ekath dapan; January 3, 2012 at 7:40 PM
සෙට් එක said... [Reply to comment]: @අකි අනිවා ඩෙෆා එකෙනෙ බං ෆුන් එක තියෙන්නේ දැනට දාන්නේ එන ඒවා විතරයි පස්සේ පෝස්ට් වලින් එතනින් එහාට වෙන ටික දාමු :P; January 3, 2012 at 8:05 PM
Anonymous said... [Reply to comment]: මමත් කුරුනෑගල යාලුවෙක්ගේ ගෙදර ගිහිල්ලා හෙන කට්ටක් කෑවා ඒ දවස්වල..කුරුනෑගල කිව්වට ඌ හිටියේ කුබුක්ගැටේ කියන දිහාවේ...ගෙදර එද්දී රෑ 12ත් පහුවෙලා.....; January 4, 2012 at 1:47 AM
සෙට් එක said... [Reply to comment]: @ඔබ නොදු‍ටු ලොවක් : ඕක කුරුණෑගල එවුන්ගෙ හැටියක්ද කොහෙදෝ? ඇයි ආය ඔය ගම්පොල දිහා සමහර ඈයොත් කියන්නේ අපි කැන්ඩි කියලානේ..; January 4, 2012 at 7:21 PM
duliponline said... [Reply to comment]: ඉතිං යකෝ දම්බොක්ක හංදියෙ ඉඳල වැඩිම උනොත් ආටා එකක් 100ක් ගනී එහෙට යන්න; January 4, 2012 at 11:47 PM
සෙට් එක said... [Reply to comment]: @ඕනේ අයියා කුරුනෑගල ඉදන් අඩුම රු 250ක්වත් සුවර් නේ? හික් හික්; January 5, 2012 at 1:46 AM
duliponline said... [Reply to comment]: මල්ලි ඊලඟ වතාවෙ ආවාම නොමිලේ ඔය ගමන යන්න විදියක් මම කියන්නද ????
කුරුණෑගල සීකෝඉන් එක ඉස්සරහ වෑන් පාක් එකේ ඉන්නව **දාස (උඹේ යාලුව දන්නව නම) කියල හයේ හතරෙ සයිස් අවුරුදු 60ක් විතර වයස, කොන්ඩෙ සුදු බුවෙක්. උඹල ටිකක් මොලෙයි තව එක අවයවේකුයි පාවිච්චි කලානං සල්ලි සත පහක්වත් නොදී නොමිලේම බුවාගෙ වෑන් එකෙං ගිහිං බස්සගන්න පුලුවං. බුවා සබ්ජෙක්ට් . . . . .; January 5, 2012 at 12:12 PM
සෙට් එක said... [Reply to comment]: ඕනයා හක් හක් අන්තිමට පදේකුත් හැදිල තියෙයි සෙට් එක *ක දීලා ගියා වගේ කියලා. අනිත් එක වෑන් එකේ ගිහින් බස්ස ගන්න කෙසේ වෙතත් ***ට බස්ස ගන්නනම් පුලුවන් වෙයි මයෙ හිතේ :); January 5, 2012 at 12:47 PM
සංකල්ප said... [Reply to comment]: අඩේ මරු නේ. මාර සෙට් එකක් නේ. කට්ටියම ඩොටේ සෙට් එකක්; January 5, 2012 at 9:46 PM
සෙට් එක said... [Reply to comment]: මධුරංග: අපි අපිනෙ බං... මේ සෙට් එක ගැනනම් කියලා වැඩක් නෑ ස්කෝලේ අවෘදු 13ක් හිටියා. ඊට වඩා මුනුත් එක්ක මේ හිටපු අවුරුදු එක හමාර තුල පිස්සු කෙලියා..; January 5, 2012 at 10:06 PM