අපේ සෙට් එක: මුන් කොපි කරනවා? ඊයා.......

8:59 AM | ලිව්වේ කනියා | | Edit Post

මොකේටත් කලින් කට්ටියටම සුබ පතලා ඉන්න ඕනේ හැපි බර්ත් ඩේ හොදද? අපේ මහින්ද මාමත් බරටම තෑගිත් දුන්නානේ නේද? බඩුම තමා ආය ඔලුව ඉස්සිල්ලක් නෑ.. හරි හරි දැං මම මෙව්වා කීවා කියලා වැඩි උන ඒවා අඩු කරයි ඈ. ඒ අස්සේ ඩයලොග්කාරයත් මගේ කනෙක්ශන් ස්ලෝ කරලා ඒක හින්දා තමා ගිය සැරේ දාපු පෝස්ට් එකටත් රිප්ලයි කමෙන්ට් එකක්වත් දාගන්න බැරි උනේත් වෙන බ්ලොග් එකක් පැත්තේ යන්න බැරි උනෙත්.

හරි දැං අද සීන් එක බලමුකෝ..කට්ටියට මතක ඇති නේද ටික දවසකට ඉස්සල්ලා මම දැම්මා කොපි කිරීමට අත්වැලක් කියලා පෝස්ට් එකක්. ඔව් ඔව් අන්න ඒක තමා. ඔය කොච්චර ටෙක්නික් දුන්නත් මොන ෂො එක දැම්මත් අපේ අයියලා ටිකත් එක දවසක් මදි නොකියන්න කොපි කරලා මට්ටු උනා. හැරෙන්නවත් හම්බුනේ නෑ කට්ටිය බලා ඉද්දි 7 දෙනෙක් විතර මාට්ටු.

සීන් එක උනේ අපි HD කරන කාලේ ඒ කියන්නේ අපේ ඩිග්‍රියේ දෙවනි අවුරුද්දේ.. මම කලිනුත් කීවා වගේ දෙවනි අවුරුද්දේ අපට එක්සෑම් තියෙන්නේ මාස 6න් 6ට.. ඒ කියන්නේ මොඩියුල 7ක එක්සෑම් එක පාර තියෙන්නේ. හරියටම ගිය අවුරුද්දේ අගෝස්තු වල අග සතියේ තමා පළවෙන් ඒක්සෑම් ටික තිබ්බෙත් ඒ වගේම අපේ එවුනුත් බෝඩින් ගත උනෙත් ඔය මාසේම මුල තමා.. බෝඩිමේ පිස්සු කෙල කෙල ඉද්දී එක්සෑම් ලංවෙනවා කාටවත් දැනුනේ නෑ..ඔන්න ඉතින් සුපුරුදු පරිදි කලින් දවසේ පුළුවන් විදියට පාඩම් කරගෙන ඥාන පටි ටික ගහගෙන නිදාගත්තා.

ඔන්න පහුවදා තමා දැං ගේම තියෙන්නේ විභාගෙට අදින මගේ සුපුරුදු යුනිෆෝම් එක වෙච්ච අත් දිග ශර්ට් එක ඇදගන අත් දෙක නවලා ඒක ඇතුලේ පටි 3ක් දාගන අපේ අනිත් එවුන් එක්ක ගියා එක්සෑම් හෝල් එකට.. අම්මෝ බලන්න දුකේ බෑ යද්දී කට්ටිය මේස උඩයි පිලවල් උඩයි බංකු උඩයි හැම තැනම පොත් දිග ඇරගෙන මූනවල් ඔබාගන ඉන්නවා. අපේ එවුන් දහ දෙනාට මොකද ඉතිං බෝඩිමේ ගහපු පටි සරනං ගච්චාමී නේ. අනික ඒ පටි වල නැත්තේ නෝටේ එක ලියපු පොතේ නම(ඇට්ලස් , රිචර්ඩ් ) විතරයි,නෝටේ එකේ ෆුල් කොපියක් තියනවා ඔය පටි වල.. ඉතිං ආය අහවල් එහෙකට පාඩම් කරන්න ඈ, ෆුල් ආතල් එකේ පිස්සු කෙල කෙල ඉදලා ඔන්න 9ට එක්සෑම් එක පටන් ගත්තා.. මමයි අපේ එවුන් ටිකයි අදාල තැන් වලින් ඉදගත්තා ඔන්න ඉතින් පේපර් එක ගත්තහම තමා කොල්ලගේ කට කන ගාවට ගියේ මොකද තිබ්බේම තියරි ගොඩක් ඥාන පටිය ඇද්දා කියන්නේ ඉතිං අපේ බෝඩිමේ එවුන් ටිකට රජ මගුල්.A+ එකක්නම් ශුවර්. පැය භාගයක් විතර පුලු පුලුවන් ටිකට ලියලා දැම්මා. දැං ඉතිං ගේමට බහින්න එපා ඈ.. මුලින්ම කට්ටියට මතක ඇතිනේ අර පොඩි කාලේ පාර පනින්න උගන්නපු විදිය

මුලින්ම වම බලන්න ඊට පස්සේ දකුන බලන්න ඊට පස්සේ ආපහු වම බලන්න

කට්ටියට මතක ඇතිනේ මාත් ඉතිං ඔය කියන තියරිය දාලා බැලුවා කව්ද ඉන්නේ කියලා. බලද්දී පිටී පස්සේ ඉන්නවා අපේ සෝබනී අක්කා. අවුලක් නෑනේ අපේ ෆිට් එකක්නේ කියලා මාත් කොලේ ඇද්දා. ඇදලා දාගත්තා ලියන පේපර් එක යටට.මෙන්න යකෝ ටික වෙලාවක් යද්දී ආවේ නැද්ද මිස් කෙනෙක් මට දැං ඇඩ්‍රස් නෑ. ගත්ත කොලේ ආපහු දාගන්නත් බෑ.. ඕන මගුලක් කියලා කොප්ප ගැහුවා කරුමේ කියන්නේ මම කොපි කර කර ඉද්දී අර මිස් මං ගාවින් ගියා.. කාලා වරෙන්කෝ දැං. මිස් කෙලින්ම ගියේ සෝබනී අක්කා ගාවට මම හිතුවා වැඩේ හරි කියලා. හිතුවා වගේම මෙන්න සෝබනී අක්කා හැටට හැටේ ඇවිත් මම ගාව හිටගත්තා.ටික වෙලාවක් එහෙම හිටපු සෝබනී අක්කා ලඟටම ඇවිත් යට තිබ්බ ඥාන පටිය ඇද්දා.. එපා කියන්න ඈ. මාව දැං වෙව්ලනවා ඇයි හත් දෙයියනේ ඒ වගේ වෙලාවක මොකාද වෙව්ලන්නේ නැත්තේ.. කරගන්න දේකුත් නෑ.ඒ අස්සේ පේපර් එක ලියන්නත් බෑ අත වෙව්ලනවා. ඔහොම වට පිට බල බල ඉද්දී ටිකක් එහා හිටපු බයිසා මට මැද ඇගිල්ල දික් කරා මං ඒත් බැලුවා මුට චූ බර වෙලාවත් ද කියලා තව ටික වෙලාවක් ඔහොම හිටපු මම ආවා එලියට එද්දී මෙන්න අපේ එවුන් ටික සෙට් වෙලා ඉන්නවා

මම : ඉවරයි බං මම අනාතයි මගේ ඔක්කම මාට්ටු මට එපා වෙලා බං..
බබුනා : ඈහ් උබත් මාට්ටුද මමත් මාට්ටු බං
බෝලේ : උබ විතරක් නෙවේ සනා මාත් මාට්ටු
මම : ඈහ්? ආය කව්ද මාට්ටු

ඔය අස්සේ බයිසත් යකා වගේ එතනට සම්ප්‍රාප්ත උනා..

බයිසා : කෑවා කෑවා අර **තිට හු*** බලපන්කෝ බං මගේ පටිය ගත්තනේ
බෝලේ : අපෙත් එහෙම තමයි බං.
දුමා : අඩෝ මොකක් වෙයිද බං අපිට?
ගලේ : පලවෙනි පාරනේ බං මාට්ටු උනේ කොළඹ යවලා අවුරුද්දකට මේ මොඩියුල් එක කැන්සල් කරයි
මම : එතකොට අනිත් මොඩියුල්
ගලේ : ඒවට අවුලක් වෙන්නේ නෑ බං.
බයිසා : උබලා දැං මොකද කරන්නේ? මමනම් ගෙදර යනවා බං බෝඩින් යන්න හිතෙන්නෙත් නෑ දැං.
මම : මාත් යනවා..
බෝලේ : මායි දුමයි එහෙනම් බෝඩින් යන්නම් බං ගෙදර ගියහම තවත් අවුල

කට්ටියටම දැං ෆුල් අප්සට් එකේ විසර ගියා.. මුලින්ම කියන්න අමතක උනා සාමාන්‍යයෙන් කොපි කරලා මාට්ටු උනහම අපේ ඉන්ස්ටිටියුට් එකේ කරන්නේ කොළබ එකට අපි කොපි කරපුවා යවලා ඒකෙන් අපට කොළඹ එන්න කියලා දවසක් අපේ ගෙවල් වලට ලියුමක් මගින් එවනවා ඒ දවසට කොළඹ එන්න කියලා.දැං ඉතිං අපිත් ලියුම එනකම් බලාගන ඉන්නවා,, මෙන්න යකෝ එක දවසක් ගෙදර ඉන්න දවසක ලියුමක් එනවා කරුමෙට ඒක අරන් තියෙන්නේ අම්මා. මලා ජෝන් කාපන්කෝ ටින් කිරි.. ඒ අස්සේ අම්මා ලියුම කඩ කඩ ගෙදර පැත්තට එනවා. මොනවද ඉතිං කොල්ලට පහල උනා ගණ දෙවි නුවණ මං දූවලා ගිහින් ලියුම ගත්තා, ගත්තා ඊවට උදුරගත්තා

මම : මොනවද අම්මේ ලැජ්ජා නැද්ද ඈ අනුන්ගේ ලියුම් කඩන්න?
අම්මා : උඹ කවදා ඉදලද බොල අනුන්ගේ උනේ?
මම : හරි හරි ඒ උනාට එහෙම හරි නෑනේ එක ගෙදර හිටියත් මගේ නමටනේ ලියුම ආවේ.
අම්මා : හරි හරි මොකක්ද ඔය ලියුම?

හුටා දීපන්කෝ දැං උත්තර මාත් ලියුම බැලුවා.. බලද්දී ඒ සතියට පස්සේ සතියේ තමා එන්න කියලා තියෙන්නේ.. බඩුම තමා දැන් මොකක්ද අම්මට කියන්නේ

අම්මා : ඇයි මොකද මොකක්ද එවලා තියෙන්නේ කෝ දියං ලියුම?
මම : නෑ...හ් මේ... මේ... ලබන සතියේ කොළඹ අපේ ඩිප්ලෝමා ඒකේ කන්වකේෂන් එක ගැන පොඩි රැස්වීමක් තියෙනවා ඒකට එන්න කියලා..

කොල්ලාගේ ටිකිරි මොලේ හින්දා එදා අම්මට මාට්ටු නොවී බේරුනා. ඒදා ඒ ලියුම අම්මා කියෙව්වනම් මට අදටත් නිවාස අඩස්සියේ තමා ඉන්න වෙන්නේ.අනික ඒකේ හොදම සීන් ඒක අපේ එවුන් ටික කොළඹ ගියේ ට්‍රිප් එකක් වගේ වෑන් එකකුත් කතාකරගෙන බොංගෝ එකක්,බෝතල් 2ක් කාරිය එහෙමත් දාගන..

25 කමෙන්ට්ස්:

Anonymous said... [Reply to comment]: අඩේ එළ ට්‍රිප් එකක් නේ ගිහිල්ලා තියෙන්නේ...හෝ ගාන පොකුණ බැළුවද...ඒක නෙමේ කොප්ප ගහපු සීන් එකට මොකද උනේ..මොඩියුල් එක කැන්සල් ද..වැඩේ ශේප් ද?; April 3, 2012 at 9:38 AM
duliponline said... [Reply to comment]: පටි ගැහුවටම මදි. පාවිච්චි කරන්න පුලුවං වෙන්න ඕනෙ; April 3, 2012 at 11:53 AM
Rindi said... [Reply to comment]: මේක නම් අමතක නොවෙන සිදුවීමක් නේද කනියො.....??? :D; April 3, 2012 at 1:26 PM
අග්නි ධාරා... said... [Reply to comment]: හෑෆූ මෙයාලනම්......:/; April 3, 2012 at 2:35 PM
Unknown said... [Reply to comment]: අනේ යකෝ මුන්ගෙ වැඩ.............; April 3, 2012 at 2:38 PM
රාජ් said... [Reply to comment]: මෙහෙමයි බං ඔය පටියෙ වැඩේ කරන්නෙ. ඉස්සෙල්ල මොකුත් නොලිව්ව පටියක් ගෙනියල බලෙන්ම වගේ බලන්න සලස්සනව. මොකුත් නෑනේ, ඊලගට පටියෙ මොනව තිබුනත් බලන්නෙ නෑ. කොහොමද ටිකිරි මොලේ. කොහොම උනත් නියම ස්ටෝරිය. ඊට පස්සෙ මොකද උනේ.; April 3, 2012 at 2:42 PM
හිතහොඳ පිස්සා said... [Reply to comment]: උඹල මාර පොරවල්නෙ බං....... අනිත් ටික කෝ බං තාම මඟද?; April 3, 2012 at 8:21 PM
වර්ණා said... [Reply to comment]: හිකිස්‌ පව් අනේ මාට්ටු වෙලා :පි; April 3, 2012 at 8:43 PM
sAm (සෑම්) said... [Reply to comment]: පටි නෙවේ අපේ කෙල්ලෝ ලියන් ආවා කකුල් වලත් ගවුම උස්සල බලන්ට..

අපේ එකාල කොපි කලේ ඒ ගල් වල තිබ්බ ශිලා ලේඛන වලින්..; April 3, 2012 at 9:12 PM
Anonymous said... [Reply to comment]: අඩේ ඒ වැඩේ නං මරු ඈ.....ආයි විභාගයක් කරන්න ආසයි එහෙම...; April 4, 2012 at 12:16 AM
dreams said... [Reply to comment]: මෙයාලත් කර ගන්න දේවල්.අනේ මන්දා ඔය වගේ දේවල් කරද්දී පරිස්සමෙන්.මේ අපි වගේ.මොනවා උනත් ලස්සන කතාව..; April 4, 2012 at 4:25 AM
ගැමියාගේ පත් ඉරුව said... [Reply to comment]: ඕක ඩෙස් එක යට ගහන්නේ නැතිව ලියන පේපර් එකක් මැද්දෙම තියාගත්තනං ගොඩනේ...අපි එහෙමයි; April 4, 2012 at 12:10 PM
කනියා said... [Reply to comment]: ආයෙත් අහලා ගාලුමූනට ගිහින් බැලුවා... මොඩියුල් එක කැන්සල් බං ඔයින් ගියා මදෑ...; April 5, 2012 at 10:37 AM
කනියා said... [Reply to comment]: ඩිප්ලෝමා මොඩියුල් 13කම පාවිච්චී කලා මාට්ටු උනේ නෑ.. එදා දවස අපලද කොහෙදෝ බං..; April 5, 2012 at 10:38 AM
කනියා said... [Reply to comment]: අනේද කියන්නේ...; April 5, 2012 at 10:38 AM
කනියා said... [Reply to comment]: හොද හොද සෙල්ලම් එලිවෙන ජාමෙටනේ අක්කා; April 5, 2012 at 10:39 AM
කනියා said... [Reply to comment]: අෆූ මොකෝ අලේ?; April 5, 2012 at 10:39 AM
කනියා said... [Reply to comment]: අඩේ යප්පපා රාජ් අයියා දන්න දේවල්.... ඊට ප්ස්සේ මොඩියුල් එක කැන්සල් කලා අයියා තාම රිපීට් ලිව්වෙත් නෑ..; April 5, 2012 at 10:40 AM
කනියා said... [Reply to comment]: අනිත් ටික ඉතිං බන් මොඩියුල් එක කැන්සල් තමා; April 5, 2012 at 10:40 AM
කනියා said... [Reply to comment]: සෑමා : අපේ එකාලා කීවේ කොල්ලොද බං?? එවුන් කොපි කිරිල්ල කෙසේ වෙතත් කෙල්ලන්ගේ ගල් ටික නම් බල බල ඉදියි...; April 5, 2012 at 10:42 AM
කනියා said... [Reply to comment]: ඔබ නොදු‍ටු ලොවක් : ඈහ්?? කොරලා බලපංකෝ තියන රගේ; April 5, 2012 at 10:42 AM
කනියා said... [Reply to comment]: හික්ස්ස් අපෝ මෙයාලත් කොපි කරනවද? ඊයා...................; April 5, 2012 at 10:43 AM
කනියා said... [Reply to comment]: ඩෙස් එක යට නෙවේ බං පේපර් එක යට තිබ්බේ කොහෙද අවිත් උස්සලා බැලුවනේ අර ගෑනි......; April 5, 2012 at 10:44 AM
කනියා said... [Reply to comment]: අලෝ ඔහොම කියනවද ඈ...; April 5, 2012 at 8:25 PM
රයිටර් said... [Reply to comment]: තව පොඩ්ඩක් සංවිධානාත්මකව කරානම් වැඩේ ගොඩ.; April 10, 2012 at 9:13 PM